Հերթական հավես օրը…
Սեպտեմբերի 19-ին երկարացված օրվա կազմակերպիչներով տիար Բլեյանի ուղեկցությամբ քայլեցինք «Աստղիկ» բ/կ -ի հարակից ջրանցքի երկայնքով դեպի Ծովակալ Իսակովի պողոտա, հասանք Սեյրանի բարձունք, մաքրեցինք տարածքն ու շարունակեցինք քայլարշավը դեպի Հրազդանի կիրճ:
Ես շատ տպավորված եմ այս քայլարշավից, քանի որ առաջին անգամ էի քայլում տիար Բլեյանի հետ, ով ամբողջ ճանապարհի ընթացքում մեզ կարևոր տեղեկություններ էր փոխանցում այն տարածքների և վայրերի մասին որտեղով քայլում էինք: Նա ցավով էր խոսում անմշակ հողերի, անմխիթար ու անբարեկարգ տարածքների մասին, որոնք երևանցին այսօր էլ կարող է մշակել, կանաչապատել, այգիներ հիմնել և բարեկարգել: Ցանկությունս է, որ նման քայլարշավները շարունակական լինեն, քանի որ տիար Բլեյանը շատ բան ունի մեզ տալու, մանավանդ՝ նոր սեբաստացի կազմակերպիչներիս…
«Մխիթար Սեբաստացի» կրթահամալիր, Արևելյան դպրոց-պարտեզ, nor.mskh.am, Ա Բաբաջանյան 47/1 (010) 74 43 80, Երկարացված օրվա կազմակերպիչ
Լուսինե Բարխուդարյանի բլոգ 