«Ես» նախագիծ
Մասնակիցներ՝ երկարացված օրվա ճամբարականներ
Տևողությունը՝ օգոստոսի 29-ից մինչև սեպտեմբերի 10-ը (երկուսից երեք շաբաթ):
Նպատակը՝ Սովորողների ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:
Խնդիրները`
- Ինքնուրույնության դրսևորման զարգացում.
- Բանավոր խոսքի զարգացում (առանց սխալվելու վախի խոսելու, հանդես գալու հնարավորություն).
- Հաղորդակցական հմտությունների ձևավորում ու զարգացում.
- Ստեղծագործական երևակայության զարգացում.
Միջավայրը՝ դասասենյակ, բակ-պարտեզ, մարմնամարզական դահլիճ, տուն (ընտանիք),
Անհրաժեշտ գործիքները՝ անհատական նեթբուք-նոթբուք, համակարգչային ծրագրեր (Paint, Smart էլեկտրոնային գրատախտակ), թղթեր, ջրաներկ, վրձին
Հիմնական թեմաները՝
- Ես
- Իմ խաղալիքը (տիկնիկը…)
- Իմ ընտանիքը
Ուսումնական գործունեության ոլորտները՝
Մայրենի լեզու
- Պատմել իր (իր խաղալիքի…) մասին: Այստեղ կարելի է իրականացնել «Խոսում է իմ տիկնիկը» նախագիծը: Սովորողները հնարավորություն կստանան ավելի անկաշկանդ խոսելու, պատմելու. հանդես գալու տիկնիկի անունից:
- Կարողանալ պատասխանել հարցերին՝ պատճառաբանելով իր կարծիքը:
- Բերանացի իմանալ ու խաղալ (կենդանի պատում) գրական ստեղծագործությունները:
Տեխնոլոգիա և մեդիատեխնոլոգիա
Ջրաներկով նկարել իրենց, իրենց տրամադրությունը արտահայտել գույներով (գույների շաբաթ), ուրվագծել իր ձեռքը (թաթիկանկար):
Ծանոթանալ Paint նկարչական ծրագրին, հիմնական գործիքներին: Կարող են պատկերների կամ գույների միջոցով ստեղծել իրենց «Օրվա տրամադրությունը» թեմայով նկարներ:
Նախագծի արդյունքում՝
- Զարգանում է սովորողի բանավոր խոսքը
- Սովորում է աշխատել ծրագրով
Արդյունքներ՝
իմ խաղալիքը, ես և իմ ընտանիքը, իմ խաղալիքը
Նկարչություն՝ ես և իմ ընտանիքը,
Լուսինե Բարխուդարյանի բլոգ 