Եռօրյա վերապատրաստման ամփոփում…

«Մխիթար Սեբաստացի» կրթահամալիր…

«Մխիթար Սեբաստացի» կրթահամալիրում մարտի 1-3-ն ընկած ժամանակահատվածում  Աշտարակ և Երևան քաղաքների մի շարք դասվարների հետ մասնակցեցի «Իմացումի հրճվանք» հեղինակային կրթական ծրագրով դասվարների եռօրյա վերապատրաստման դասընթացին: Ես այդ դասընթացին մասնակցում էի որպես կրթահամալիր դիմած մասնագետի՝ հնարավորության դեպքում կրթահամալիրում աշխատանքի ընդունվելու նպատակով:

Դասընթացի մեկնարկը սկսվեց մարտի 1-ին՝ Սուրբ Երրորդություն եկեղեցու բակում, որտեղ հավաքվել էին դասընթացին մասնակից դասվարները Աշտարակ և Երևան քաղաքներից: Եկեղեցու բակից քայլեցինք դեպի Հյուսիսային դպրոց-պարտեզ, որտեղ մասնակցեցինք առավոտյան ընդհանուր պարապմունքին:

Պարապմունքից հետո Արևմտյան դպրոց-պարտեզի դասվար Լուսինե Փաշայանը մեզ ծանոթացրեց դասընթացի ծրագրին, այնուհետև մասնակիցներից կազմեցին խմբեր և կցեցին տարբեր դպրոց-պարտեզների: Մեր խումբը կցված էր Արևելյան դպրոց-պարտեզին, որի ճանապարհին դպրոց-պարտեզի ղեկավար Նառա Նիկողոսյանը մեզ ներկայացնում էր Կրթահամալիրը:

Հասնելով դպրոց՝ մեզ դիմավորեցին ջերմ հյուրասիրությամբ և կցեցին տարբեր դասվարների: Ես ընդգրկված էի 3-րդ դասարանի դասվարներ ընկեր Մերիի և ընկեր Սաթենիկի դասարաններում, որտեղ անցկացրեցի դասընթացի առաջին և երկրորդ օրերըը:

Դասըթացի ընթացքում եղանք նաև Մայր դպրոցում, որտեղ շրջայց կատարեցինք, ծանոթացանք կրթահամալիրի աշխույժ կյանքին, մասնակցեցինք պարերգերի, իսկ օրվա ավարտը ամփոփեցինք Մայր դպրոցի կենտրոնական ընթերցասրահում՝ կլոր սեղանի շուրջ, որին ներկա էր նաև Կրթահամալիրի տնօրեն տիար Բլեյանը:

Դասընթացի վերջին օրը սկսեցինք Սուրբ Երրորդություն եկեղեցում՝ ժամերգությամբ, որից հետո հավաքվեցինք Արևմտյան դպրոց-պարտեզ՝ ամփոփելու եռօրյա դասընթացը: Օրը սկսեցինք պարերգերով, տիար Բլեյանի կողմից ստացանք վկայագրեր, լսեցինք տարբեր դասվարների հեղինակային ծրագրեր…հարց ու պատասխան, տպավորությունների կիսում…Ամփոփիչ օրն ավարտեցինք շրջայցով՝ Ուսումնական Ագարակում…

Նշեմ, որ հերթական անգամ տպավորված եմ Կրթահամալիրի հետաքրքիր ու հավես միջավայրով, որի համար շնորհակալ եմ դասընթացի բոլոր կազմակերպիչներին…

Advertisements

ՔԱՌՕՐՅԱ ՎԵՐԱՊԱՏՐԱՍՏՄԱՆ ԴԱՍԸՆԹԱՑԻ ԱՄՓՈՓՈՒՄ (19.12.2017-22.12.2017)

Բարի օր։ Ձեզ եմ ներկայացնում ) «Մխիթար Սեբաստացի» կրթահամալիրում անցկացված մանկավարժների վերապատրաստման քառօրյա դասընթացի ամփոփ տպավորություններս և ձեռք բերած հմտություններս։

Անկեղծ ասած, մինչ այս դասընթացը ես որոշ պատկերացում ունեի «Մխիթար Սեբաստացի» կրթահամալիրի և այնտեղ տիրող մթնոլորտի մասին՝ այնտեղ աշխատող ամուսնուս միջոցով, բայց այս դասընթացի միջոցով ինքս ծանոթացա կրթահամալիրային կյանքին․․․հետաքրքիր, ջերմ, անմիջական, ազատ, անկաշկանդ և բաց միջավայր․․․ Շնորհակալություն մեր դասընթացավարին՝ Անահիտ Հարությունյանին՝ մեզ ամեն ինչում աջակցելու համար։

Դասընթացի արդյունքում մենք ձեռք բերեցինք մի շարք հմտություններ․ ծանոթացանք և յուրացրեցինք կրթահամալիրում իրականացվող ուսումնական ծրագրերը՝ բլոգավարություն, նախագծային ուսուցում, հեղինակային կրթական ծրագիր, ճամբարային ուսուցում և այլն։

Տպավորություններս մեծ են և հուսադրող․․․ Առջևում հունվարյան ճամբարային շրջանն է, և ես պատրաստվում եմ մասնակից լինել ճամբարային կյանքին՝ ավելի մոտիկից ճանաչելու կրթահամալիրը և կրթահամալիրային կյանքը՝ հույս ունենալով, որ դրանից հետո արդեն կմտնեմ «Մխիթար Սեբաստացի» կրթահամալիր որպես նրա մի անդամ․․․ ՇՆՈՐՀԱԿԱԼՈՒԹՅՈՒՆ․․․ 

25975314_946563462166949_317752074_n

 

ՕՐՎԱ ՊԱՏՈՒՄ…

ՕՐ ԵՐՐՈՐԴ…

 «Մխիթար Սեբաստացի» կրթահամալիրում անցկացվող մեր դասընթացի երրորդ օրն էր այսօր, հետաքրքիր և հաճելի օր, ինչպես նախորդ երկու օրերն էին:

Նորից սկսեցինք նախորդ օրվա հանձնարարությունների քննարկմամբ… ներկայացրեցինք google drive ձևաթղթում կազմած ֆլեշմոբ-առաջադրանքերը, որի շուրջ դասընթացավար Անահիտ Հարությունյանը կատարեց իր դիտարկումերը և նշեց, որ գրեթե շտկելու բան չկա, քանի որ խումբը աշխատում է շատ հմտորեն, որը շատ ողջունելի է:

Այնուհետև դասընթացավարը բացատրեց ուսումնական նախագծի կառուցվածքը, նախատեսվող քայլերը և նախագծի հետ կապված բոլոր մանրամասները, նաև հանձնարարեց տանը փորձել կազմել մի նախագիծ՝ հաջորդ օրը ներկայացնելու և քննարկելու համար:

ՎԵՐԱՊԱՏՐԱՍՏՈՒՄ…

ՕՐ ԵՐԿՐՈՐԴ…

avag-dproc-varzharan-u10140-1Այսօր՝ վերապատրաստման երկրորդ օրը, անցկացրեցինք Մայր դպրոցում՝ ավագ դպրոցի ընթերցասրահում: Սկզբում ներկայացրեցինք նախորդ օրվա  հանձնարարությունները, լսեցինք դասընթացավարի դիտարկումները անհասկանալի հարցերի շուրջ, որից հետո անցանք օրվա հիմնական անելիքներին:

Դասընթացավար Անահիտ Հարությունյանը ներկայացրեց բլոգային ուսուցումը, բացատրեց, թե ինչպես են բլոգում ստեղծում բաժիններ, էջեր, մենյուներ: Նա նաև ներկայացրեց առարկայական ֆլեշմոբների և դրանց առաջադրանքների կազմման մանրամասները google drive-ի ձևաթղթում:

Ավելացնեմ, որ դասընթացավարը ներկայացնում էր պարզ, մատչելի և հասկանալի, իսկ մենք, չնայած փոքր խումբ լինելուն, աշխատում էինք հաճույքով և հանգիստ մթնոլորտում:

ՕՐՎԱ ՊԱՏՈՒՄ…

ՕՐ ԱՌԱՋԻՆ…

mkhitar_sebastatsi_educationalԱյսօր ես մասնակցեցի «Մխիթար Սեբաստացի» կրթահամալիրում իրականացվող քառօրյա վերապատրաստման դասընթացին՝ կրթամալիրում աշխատանքի ընդունվելու նպատակով:

Առաջին օրը անցավ հետաքրքիր և խոստումնալից: Նախ մեզ դիմավորեց դասընթացավարը՝ Ահահիտ Հարությունյանը, ով դասընթացը սկսեց ծանոթությամբ, ներկայացանք միմյանց, նա ներկայացրեց «Մխիթար Սեբաստացի» կրթահամալիրը, դասընթացի հիմնական բովանդակությունը՝ ստեղծելով հաճելի և անմիջական միջավայր:

Մենք նախ ծանոթացանք բլոգային ուսուցմանը, ստեղծեցինք մեր բլոգները, չնայած, որ ես արդեն ունեի, և ուսումնասիրեցինք  բլոգով աշխատելու մի շարք հմտություններ:

Այսպես էլ ավարտվեց վերապատրաստման մեր առաջին օրը՝ լավ տպավորություններով և վաղվա օրվա սպասումով: